About us - Lao IT Dev Co., Ltd. (ບໍລິສັດ ລາວ ໄອທີ ພັດທະນາ ຈຳກັດ) Our development for your development

ກ່ຽວກັບເຮົາ

ຍິນດີຕ້ອນຮັບສູ່ LAO IT DEV ພວກເຮົາ ຕັ້ງໜ້າສ້າງຜະລິດຕະພັນທີ່ມີຄຸນນະພາບ ທີ່ຈະຊ່ວຍໃຫ້ຊີວິດຂອງທ່ານດີຂຶ້ນ.

ບໍລິສັດ ລາວໄອທີພັດທະນາ ຈຳກັດ ຫຼື Lao IT Dev ແມ່ນບໍລິສັດໃຫ້ບໍລິການທາງດ້ານໄອທີ. ບໍລິສັດແມ່ນສ້າງຕັ້ງຂຶ້ນໂດຍໄດ້ຮັບອະນຸຍາດຈາກກົມການຄ້າພາຍໃນປະເທດ, ກະຊວງການຄ້າ ໂດຍອີງຕາມກົດໝາຍຂອງ ສ.ປ.ປ.ລາວ. Lao IT Dev ໄດ້ຮັບອະນຸຍາດໃນການເຮັດທຸລະກິດຫຼາຍຢ່າງລວມມີ ການພິມ ແລະ ຈັດຈຳໜ່າຍວາລະສານ, ໂປຣແກຣມຄອມພິວເຕີ, ພັດທະນາແອັບພລິເຄຊັນ, ເຝິກອົບຮົມໄອທີ ແລະ ຈັດຈຳໜ່າຍອຸປະກອນໄອທີ. Lao IT Dev ແມ່ນໄດ້ສ້າງຕັ້ງຂຶ້ນໃນເດືອນທັນວາ 2010.

ສົນໃຈເປັນລູກຄ້າຂອງເຮົາ

ມາຮ່ວມທີມກັບເຮົາ

ຕົວຕົນຂອງເຮົາ

ບໍລິສັດ ລາວໄອທີພັດທະນາ ຈຳກັດ ແມ່ນບໍລິສັດເອກະຊົນທີ່ສ້າງຕັ້ງຂຶ້ນໃນເດືອນທັນວາ 2010. ພວກເຮົາແມ່ນນຶ່ງໃນຜູ່ນຳທາງດ້ານການພັດທະນາ ທ່ີມີຄວາມສ້າງສັນ ຜະລິດສິ່ງໃໝ່ໆສູງ. ພວກເຮົາມຸ້ງຫາຄຸນ ນະພາບລະດັບສູງສະເໝີ, ເພ່ືອການພັດທະນາ ແລະ ເພ່ືອພັດທະນາຕົນເອງ.

ສິ່ງທີ່ເຮົາເຮັດ

ພວກເຮົາໃຫ້ບໍລິການພັດທະນາຊອບແວ, ແອັບມືຖື ແລະ ເວັບໄຊ. ຍັງບໍລິການໃຫ້ຄຳປຶກສາໄອທີ, RFID ແລະ ຜະລິດຕະພັນພິມບັດ. ພວກເຮົາແມ່ນພາດເນີ ແລະ ຕົວແທນຈຳໜ່າຍຢ່າງເປັນທາງການໃນປະເທດລາວຂອງ Zebra Technologies.

ວິທີການຂອງເຮົາ

ໂດຍການນຳໃຊ້ການພັດທະນາແບບ AGILE ເຮັດໃຫ້ລູກຄ້າຂອງເຮົາ ສາມາດຕິດຕາມຄວາມຄືບໜ້າຂອງໂຄງການຂອງເຂົາໄດ້ຢ່າງງ່າຍດາຍ. ນັກພັດທະນາຂອງເຮົາແມ່ນມີປະສົບການທາງດ້ານຄວາມປອດໄພຂອງລະບົບ ເພື່ອຮັບປະກັນວ່າສິ່ງທີ່ເຮົາພັດທະນາມາແມ່ນມີຄວາມປອດໄພ.

ວິດີໂອນຳສະເໜີບໍລິສັດສັ້ນໆ

ປະຫວັດສັ້ນຂອງບໍລິສັດເຮົາ

2010

ວາລະສານ e-Corner

ເບື້ອງຕົ້ນບໍລິສັດແມ່ນສ້າງຕັ້ງຂຶ້ນເພື່ອສ້າງ ແລະ ເຜີຍແພ່ວາລະສານ e-Corner ເຊິ່ງເປັນວາລະສານໄອທີລາຍເດືອນ ເຈົ້າທຳອິດໃນລາວ. ໃນລະຫວ່າງປີ 2010 - 2012 ພວກເຮົາຍັງໄດ້ຈັດລາຍການ ໂທລະພາບຊື່ e-Corner Weekly News ອອກອາກາດທາງຊ່ອງ Lao Star ແລະ YouTube.

2012

Switching Direction

ໃນປີ 2012 ບໍລິສັດຂອງເຮົາ ໄດ້ເລີ່ມມີການປ່ຽນແປງຈາກການ ຜະລິດວາລະສານ ແລະ ລາຍການ ໂທລະພາບ ມາເປັນພັດທະນາຊອບແວ ແລະ ເວັບໄຊ. ຫຼັງຈາກນັ້ນເປັນຕົ້ນມາ ພວກເຮົາໄດ້ຂະຫຍາຍຂະແໜງການພັດທະນາຂອງເຮົາໄປຫາ ແອັບມືຖື ແລະ RFID ໂຊລູຊັນ.

2016

World Summit Award 2016

ໃນເດືອນມິຖຸນາ 2016 ພວກເຮົາຖືເປັນກຽດທີ່ ໄດ້ຮັບຮາງວັນ World Summit Award 2016 ຫຼັງຈາກທີ່ໄດ້ຮັບການນຳສະເໜີຊື່ເຂົ້າຊິງຮາງວັນ ມາແລ້ວສອງຄັ້ງໃນປີ 2012 ແລະ 2015.

2016

ASEAN Summit 2016

ພວກເຮົາຖືເປັນກຽດຢ່າງສູງທີ່ໄດ້ຮັບ ຄວາມໄວ້ວາງໃຈໃນການໃຫ້ບໍລິການໃນ 3 ກອງປະຊຸມໃຫຍ່ສູງສຸດຂອງ ASEAN ປີ 2016 ເຊິ່ງປະເທດລາວໄດ້ເປັນເຈົ້າພາບ. ບໍລິສັດ Lao IT Dev ແມ່ນໄດ້ເປັນ ຜູ່ຮັບຜິດຊອບ ລະບົບຈັດການຄົນເຂົ້າ-ອອກ ແລະ ປະຕູກວດຄົນເຂົ້າ-ອອກ ໃຫ້ແກ່ກອງປະຊຸມ.