e-Corner Online ແມ່ນເວັບຂ່າວ IT ແລະ ເທັກໂນໂລຢີທີ່ໜ້າເຊື່ອຖືທີ່ສຸດຂອງລາວ. ປັດຈຸບັນທ່ານສາມາດຮັບຂ່າວສານໄອທີ ໄດ້ງ່າຍໆຈາກໂທລະສັບ Android ຂອງທ່ານ. ດ້ວຍແອັດບ e-Corner Online ທ່ານສາມາດຮັບການແຈ້ງເຕືອນຂ່າວໃໝ່, ອ່ານຂ່າວຕ່າງໆໄດ້ໃນຫຼາຍໝວດໝູ່ ແລະ ທີ່ສຳຄັນແມ່ນຟຣີ!

ຫາກທ່ານປະສົບບັນຫາໃນການເດີນທາງໃນລາວ, LaoNavi ສາມາດຊ່ວຍທ່ານໄດ້! ບໍ່ຕ້ອງເຈັບຫົວວ່າທ່ານຈະໄປໃສດີ? ແລ້ວຈະໄປແນວໃດ? LaoNavi ສາມາດຊ່ວຍທ່ານຊອກຫາສະຖານທີ່ ແລະ ການເດີນທາງໄປຫາເປົ້າໝາຍ ໂດຍນຳໃຊ້ບໍລິການລົດເມສາທາລະນະ ທີ່ຈະຊ່ວຍທ່ານປະຢັດເວລາ ແລະ ຄ່າໃຊ້ຈ່າຍ.

ກິນຫຍັງດີ? ແອັບມືຖືເພື່ອຊຸ່ມເມນູອາຫານ ສຳລັບທ່ານໃດທີ່ບໍ່ຮູ້ຈະເລືອກກິນອີ່ຫຍັງດີ? ແອັບກິນຫຍັງດີ ສ້າງມາເພື່ອແກ້ບັນຫາໂລກແຕກ ເສຍເວລາໃນການເລືອກອາຫານ ແລະ ຕົກລົງກັນບໍ່ໄດ້ວ່າຈະກິນຫຍັງ? ບາງຄັ້ງເບິ່ງເມນູຕັ້ງດົນ ແຕ່ກໍຍັງຖຽງກັນ ຕັດສິນໃຈບໍ່ໄດ້. ປັດຈຸບັນຍັງອາດບໍ່ມີຫຼາຍເມນູ ແຕ່ພວກເຮົາຈະພະຍາຍາມອັບເດດ ແລະ ປັບປຸງໄປເລື້ອຍໆ. ຢ່າອ້າຍທີ່ຈະສົ່ງຄຳຕິຊົມມາໃຫ້ເຮົາ ແລະ ຂໍໃຫ້ມ່ວນໃນການກິນ!

Lao Austism Talks ແມ່ນແອັບສື່ສານພາສາລາວ AAC ອັນທຳອິດ ອອກແບບມາຊ່ວຍເຫຼືອຜູ່ທີ່ເປັນອໍທິສຕິກ ທີ່ຊ່ວຍໃຫ້ຜູ່ໃຊ້ສາມາດພັດທະນາ ທັກສະການສື່ສານໃນຊີວິດປະຈຳວັນ. ແອັບໃຊ້ງານງ່າຍ ແລະ ມີເມນູທີ່ບໍ່ຊັບຊ້ອນ. ຜູ່ໃຊ້ຍັງສາມາດປັບແຕ່ງຄຳສັບ ແລະ ວັດຈະນານຸກົມໂດຍການເລືອກຈາກຄຳສັບທີ່ມີໃຫ້ຫຼາຍກວ່າ 1500 ຄຳ, 12 ໝວດໝູ່ເຊັ່ນ: ໝວດກ່ຽວກັບຕົນເອງ, ການກະທຳ, ຄອບຄົວ, ອາຫານ ແລະ ເຄື່ອງດື່ມ ຯລຯ. ຜູ່ໃຊ້ພຽງແຕ່ແຕະທີ່ຮູບເພື່ອເລືອກ ເພື່ອຈັດເປັນປະໂຫຍກ. ຫຼັງຈາກນັ້ນກົດປຸ່ມຮູບລຳໂພງ ເພື່ອຟັງສຽງ. ແອັບແມ່ນມາພ້ອມຂໍ້ມູນ ທີ່ມີຄຳສັບໃຫ້ 175 ຄຳສັບເພື່ອເລືອກ ແລະ ຟັງໄດ້.

ທ່ານສາມາດຄິດໄລ່ຄ່າໄຟຟ້າຂອງທ່ານ ເພື່ອຄາດເດົາຄ່າໄຟທີ່ທ່ານຕ້ອງຈ່າຍ. ທ່ານຍັງສາມາດເບິ່ງໄດ້ວ່າເຄື່ອງໃຊ້ໄຟຟ້າໃດ ມີຜົນຕໍ່ຄ່າໄຟຟ້າຂອງທ່ານຫຼາຍຊ່ຳໃດ.